അങ്ങനെ ശ്രുതിലയ എന്ന ട്രൂപ് വിജയകരമായി നടക്കുന്ന കാലം. ആദ്യമൊക്കെ വെറും ജീപ്പ് വാടക മാത്രം കിട്ടിയിരുന്ന സ്ഥലത്ത് ഇപ്പോള് മെനു ഉറപ്പു വൃത്തിയുള്ള ഭക്ഷണം , ജീപ്പ് വാടക, പിന്നെ ചെറിയ ഒരു ഫീസ് ഇതൊക്കെ കിട്ടാന് തുടങ്ങി. മണ്ഡലക്കാലം അല്ലാത്തപ്പോള് ഉള്ള ഗാനമേളകള് കമ്പ്ലീറ്റ് സിനിമ ഗാനങ്ങള് കോര്ത്തിണക്കിയതായിരുന്നു. മെനു പറഞ്ഞുള്ള ഭക്ഷണം എന്ന് എടുത്തു പറയാന് കാരണം ഉണ്ട്. ഞങ്ങളുടെ സ്ഥലത്ത് നിന്നും ഒരു കിലോ മീറ്റര് അകലെ ഉള്ള അയ്യപ്പക്ഷേത്രത്തില് പരിപാടിക്ക് അവര് ഞങ്ങളെ ബുക്ക് ചെയ്തപ്പോ ഭക്ഷണം ഒക്കെ ഉണ്ടെന്ന് പറഞ്ഞു. നല്ല തണുപ്പ് ഉണ്ടായിട്ടു കൂടി വളരെ ഉന്മേഷത്തോടെ പരിപാടി ഞങ്ങള് ഉഷാറാക്കി. അത് കഴിഞ്ഞ് ഭക്ഷണം വിളമ്പിയപ്പോള് ഞങ്ങള് ഞെട്ടി. ട്രൂപിലെ 20 പേര്ക്കും വെറും ഈരണ്ട് ഇട്ലീം ഇത്തിരി ചട്ണിയും, പിന്നെ ഒരു ചായേം.. കഴിഞ്ഞു ഭക്ഷണം.. പതിനഞ്ചിന്റെ മേല്പോട്ട് എണ്ണം തുടങ്ങണ ആള്ക്കാര്ക്ക് രണ്ട് ഇട്ല്യെ .. ഒന്നിച്ചിരുന്നു മത്സരിച്ചു ഇരുപത്തഞ്ചു ഇട്ല്യൊക്കെ തിന്നണേന്റെ രസം ഇവര്ക്ക് എവ്ടുന്നാ അറ്യാ ? പലരും അവ്ടെ വെച്ചന്നെ പ്രതിഷേധം അറീച്ചു..പിന്നെ അവ്ടെ ഇനി പ്രോഗ്രാം നടത്തണ പ്രശ്നോല്ല്യാന്നും തീരുമാനിച്ചു. വീട്ടില് ആണെങ്കില് രാത്രി ഭക്ഷണം വേണ്ടാന്നു പറഞ്ഞ കാരണം വയറിന്റെ കാളല് മാറ്റാന് ഒരു വഴീം ഇല്ല്യെനും. കലികാല വൈഭവം. അയ്യപ്പന് കൊപിച്ചതാകും.
അതിന്റെ ഒരു രണ്ടീസം കഴിഞ്ഞപ്പോഴാ ഗോപൂന്റെ കസിന് ആയ ഗോപ്യേട്ടന് ഒരു പ്രോപോസലും ആയി വന്നത്. ഈ ഗോപ്യേട്ടന് ഞങ്ങളുടെ നാട്ടില് വളം ഡീലെര്ഷിപ് ഒക്കെ ഉള്ള ഒരു വല്യ ആളാണ്. മണ്ഡലക്കാലം ആയതിനാല് അവരുടെ അമ്പലത്തില് പ്രോഗ്രാം വേണം. ഭക്ഷണം ഉപ്പുമാവ്, അതും ഇഷ്ടം പോലെ. പാചകം ഗോപ്യേട്ടന്റെ മേല്നോട്ടത്തില് ആയ കാരണം ഉപ്പുമാവിന്റെയും സാമ്പാറിന്റെം ഫുള് ഗ്യാരന്ടി പുള്ളീടെ. പിന്നെ ജീപ്പ് വാടകേം ഫീസായി ഒരു 501 ഉറുപ്യേം. പെട്ടെന്ന് തന്നെ ഞങ്ങള് പരിപാടി ഏറ്റു. അസ്സലായി പ്രാക്ടീസ് ചെയ്ത കാരണം എല്ലാവരും അസ്സലായി പാടി. പാടാത്തവര് മേളം കൊഴുപ്പിച്ചു പരിപാടി വിജയിപ്പിച്ചു. ഒരു മണിക്കൂറിന്ന് പകരം പാടി പാടി രണ്ടേകാല് മണിക്കൂര് നീണ്ടു പരിപാടി. രാത്രി ഒമ്പതരക്ക് ട്രൂപ്പിന് ഗോപ്യേട്ടന് ഉപ്പുമാവും സാമ്പാറും വിളമ്പി. ഒരു ചെറ്യ കയില് ഉപ്പുമാവിന് മുന്നില് വിജയന് മുട്ട് മടക്കി..അല്ലേലും വിജയന് തീരെ കാപ്പാസിറ്റി ഇല്ല്യെയ്. രണ്ട് മൂന്ന് കയിലിനു മുന്നില് ഗോപൂം വീണു. ഉപ്പുമാവും സാമ്പാറും ശരിക്കും ആസ്വദിച്ചത് ഞങ്ങള് ഒരെട്ടുപത്തു പേര്. പതിനഞ്ചു കയില് കഴിച്ച ദിലീപന് ആയിരുന്നു വിജയി. പിന്നെ ഇഷ്ടം പോലെ ചുക്ക് കാപ്പി. ഉപ്പുമാവ് ദഹിക്കാന് വേണ്ടി അവസാന ആളെക്കൊണ്ടും മതീന്ന് പറയിപ്പിചിട്ടെ ഗോപ്യേട്ടന് പിന്വാങ്ങീള്ളൂ. അടുത്ത പ്രോഗ്രാം അവ്ടെ ഫീസ് വാങ്ങാതെ ചെയ്യും എന്ന് വാഗ്ദാനവും നല്കീട്ടാണ് ഞങ്ങള് മടങ്ങീത്. അയ്യപ്പന്റെയാണോ അതോ ദേവിടെയാണോന്നറിയില്ല്യ ആരുടെയോ അനുഗ്രഹം കൊണ്ടു ട്രൂപ്പിലെ പലര്ക്കും ജോലി കിട്ടി ആറു മാസം കൊണ്ടു സ്ഥലം കാലിയാക്കേണ്ടി വന്ന കാരണം ട്രൂപ് അടച്ചു പൂട്ടേണ്ടി വന്നു. ആ ബാനെര് മാത്രം പിന്നേം ഒരു രണ്ട് കൊല്ലത്തോളം ഗോപുന്റെ കളത്തില് ഒരു നഷ്ട സ്വപ്നത്തിന്റെ ഓര്മ പോലെ കിടന്നൂന്നു വിജയന് പറഞ്ഞു. ഗോപ്യേട്ടന് കൊടുത്ത വാഗ്ദാനം ഇപ്പോഴും നിറവേറ്റപ്പെടാതെ കിടക്കുന്നൂ. ട്രൂപ്പിലെ പലരേം കണ്ടിട്ടന്നെ ഏറെ വര്ഷങ്ങള് ആകുന്നു. നോക്കട്ടെ, പറ്റ്യാല് ഈ ആഴ്ച ചിലരോടെങ്കിലും സംസാരിക്കണം...
രസകരം ഈ അനുഭവങ്ങള് ........
ReplyDeleteപതിനഞ്ചിന്റെ മേല്പോട്ട് എണ്ണം തുടങ്ങണ ആള്ക്കാര്ക്ക് രണ്ട് ഇട്ല്യെ .. ഒന്നിച്ചിരുന്നു മത്സരിച്ചു ഇരുപത്തഞ്ചു ഇട്ല്യൊക്കെ തിന്നണേന്റെ രസം ഇവര്ക്ക് എവ്ടുന്നാ അറ്യാ ?..ഹമ്മോ പുലികള് തന്നെ ..
:)
ReplyDeleteഹി ഹി
ReplyDeleteഈ ശ്രുതിലയട്രൂപ്പിനെ വിവരിച്ചിരിക്കുന്നത് ഭയിയുടെ മറ്റ് പോസ്റ്റ്കളേപോലെ ഒട്ടും ശ്രുതി ലയമായി തോനിയില്ല കേട്ടൊ ഭായ്
ReplyDelete