ഇന്നിവിടെ കറുവ ചൌത് ആണ്. ഇത് നമ്മുടെ നാട്ടിലെ ഏകാദശി പോലത്തെ ഒരു പരിപാടി ആണ് . വടക്കേ ഇന്ത്യയില് ഭയങ്കര പോപ്പുലര് ആണ് ഈ സംഭവം, കേട്ടപ്പോള് ഒരു ചെറിയ അഭിമാനം ഒക്കെ തോന്നി - ഹാ..നമ്മുടെ ഭാരതീയ സംസ്കാരം എത്ര ഉത്തമം.
എവിടെ ... ശരിയായ കഥകള് അറിഞ്ഞപ്പോള് കാറ്റ് പോയ ബലൂണ് പോലെ ആയി എന്റെ അഭിമാനം .. അയ്യയ്യേ ഇത്തരം ചീപ്പ് ഐറ്റംസ് ഒക്കെ നമ്മുടെ തരുണീമണികള് ചെയ്യും എന്ന് വിചാരിച്ചതേ ഇല്ല.
കറുവ ചൌതിന്റെ അന്ന് സുമങ്കലികള് ഭര്ത്താവിന്റെ ആയുരാരോഗ്യത്തിനു വേണ്ടി ദിവസം മുഴുവന് ജലപാനം കഴിക്കാതെ ഇരിക്കും. രാത്രി ചന്ദ്രനെ ( നമ്മുടെ തിങ്കള്ബിംബം തന്നെ , അല്ലാതെ .....) ഒരു അരിപ്പയിലൂടെ ( എനിക്ക് തോന്നുന്നത് ഇത് ചന്ദ്രന് ആളെ മനസ്സിലാകാതിരിക്കാന് ആയിരിക്കും എന്നാ ) നോക്കീട്ടു പിന്നെ അതെ പോലെ കണവനേയും നോക്കുട്ടോ. ഇതിനു ശേഷം പ്രിയതമനാണ് വാമഭാഗത്തിന്റെ നോമ്പ് മുറിക്കാന് ഉള്ള സഹായം ചെയ്തു കൊടുക്കുന്നത്. കേട്ടിട്ട് ഒരു കിടിലന് നോമ്പ് അല്ലെ ,,പിന്നെന്താ ഇവന് ഇത്രേം വിഷമം തോന്നാന് എന്ന് തോന്നുണ്ടോ ?
ഈ ദിവസം വെളുപ്പിന് തന്നെ സിറ്റി ലൈഫ് സ്വായത്തം ആക്കിയ പല ലേടീസും വയറു നിറയെ തട്ടി വിടുമത്രേ .. അപ്പൊ അങ്ങിനെയാണ് കാര്യങ്ങളുടെ കിടപ്പ്. രാത്രി വരെ സുഖമായി പിടിച്ചു നില്ക്കാന് ഉള്ള ഫ്യുവല് അടിച്ചു കേറ്റീട്ട് പിന്നെ അസ്സല് ഒരു വ്രതം ... ഹാ ഭാരതമേ ... സംസ്കാരത്തിന്റെ ഒരു പുരോഗതി ..
ഒരു ചെറിയ സംശയം തോന്നി . ഇത്തരം പ്രകടനം നടത്തുന്ന മഹിളാ രത്നങ്ങളുടെ ഹസ്സുകള്ക്ക് ദൈവം ആയുസ്സ് കൂട്ടി കൊടുക്കാറുണ്ടോ ആവോ.. അതോ ഇവരില് നിന്നും ഒക്കെ മോക്ഷം കൊടുക്കാന് വേണ്ടീട്ടു പെട്ടെന്ന് തന്നെ മോളിലോട്ട് വിളിക്കുവാണോ ആവോ. അറിയാതെ സമാധനോല്യ ..നമ്മുടെ കൂടെ ജോലി ചെയ്യണ കൊറേ പേരുടെ ഭാവീടെ പ്രശ്നാ... അതോണ്ടാട്ടോ.
ഒരു ഇമെയില് എഴുതി ചോദിക്കണം ... ദൈവത്തിന്റെ ഇമെയില് id എന്താണോ എന്തോ. സാരല്യ, ഗൂഗിള് ചെയ്തു കണ്ടു പിടിക്കാം. ഇപ്പോഴത്തെ ഒരു ട്രെന്ഡ് അതാണല്ലോ.
തമാശിക്കണെങ്കിൽ ഇങ്ങനെ തന്നെ നർമ്മം വിളമ്പണം...
ReplyDeleteഎന്താതിന്റൊരു പഞ്ച്...!
മുരളീമുകുന്ദന്മാഷെ
ReplyDeleteഎഴുതീത് ഇഷ്ട്ടായി എന്നറിഞ്ഞപ്പോ വല്ല്യ സന്തോഷം ആയിട്ടോ.
ഇങ്ങനെ ഇടക്കൊക്കെ കമന്റ് കിട്ടുമ്പോ എഴുതാന് ഉത്സാഹം തോന്നുന്നു.
സസ്നേഹം
മേനോന്